Tacikistan Prezidenti COP29-dan effektiv nəticələr gözləyir

Tacikistan Prezidenti COP29-dan effektiv nəticələr gözləyir
11 İyun 2024 17:12

Tacikistan BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) yekunlarına dair iqlim gündəliyi üzrə effektiv nəticələr əldə ediləcəyinə əmindir.

“Report” Tacikistan Prezidentinin mətbuat xidmətinə istinadən xəbər verir ki, bunu Emoməli Rəhmon bu gün "Davamlı İnkişaf üçün Su, 2018-2028" Beynəlxalq Fəaliyyət Onilliyi üzrə III Beynəlxalq konfransın açılışında deyib.

“Tacikistan 2021-ci ildə Şotlandiyanın Qlazqo şəhərində keçirilən COP26, daha sonra isə Şarm Əl-Şeyx və Dubayda keçirilən növbəti sessiyalardan başlayaraq tərəfdaş ölkələr və beynəlxalq təşkilatlarla əməkdaşlıq edərək iqlim gündəliyində su mövzusunu gücləndirmək üçün fəal işləyir. Əminik ki, bu il Bakıda keçiriləcək növbəti iqlim sessiyası çərçivəsində bu istiqamətdə səmərəli nəticələr əldə ediləcək”, - o bildirib.

Prezident əlavə edib ki, Tacikistan “yaşıl iqtisadiyyat”a keçid üçün səylərini ikiqat artırır və 2032-ci ilə qədər ölkənin elektrik enerjisi istehsalını indiki 98%-dən 100%-ə çatdırmağı planlaşdırır.

O əlavə edib ki, Tacikistan 2037-ci ilə qədər "yaşıl ölkəyə" çevrilmək niyyətindədir: “Bu kontekstdə bərpa olunan enerji mənbələrindən tam istifadə etməklə yanaşı, biz “2040-cı ilə qədər ölkənin təbii yaşıllaşdırılması proqramı”nı qəbul etmişik, buna görə də bu müddət ərzində iki milyarddan çox ting əkmək lazımdır”.


14 İyun 2024
Dünya

Ərdoğan İtaliyaya gedib

Türkiyə Prezidenti Rəcəb Tayyib Ərdoğan G-7 liderlərinin Afrika və Aralıq dənizi/Süni İntellekt və Enerji məsələləri üzrə Yüksək Səviyyəli sessiyasında iştirak etmək üçün İtaliyaya gedib.

14 İyun 2024
Dünya

Çində dənizin dibindən 600 illik əşyalar tapıldı

Çinli arxeoloqlar Cənubi Çin dənizinin dibindən Min sülaləsinə (1368-1644) aid 900-dən çox artefakt çıxara biliblər.

14 İyun 2024
Dünya

Güclü leysan Moskvada həyatı iflic etdi

Rusiya paytaxtı Moskva güclü leysan yağışları nəticəsində su altında qalıb.

14 İyun 2024
Dünya

ABŞ və Ukrayna arasında təhlükəsizlik paktı imzalandı

ABŞ və Ukrayna arasında təhlükəsizlik sazişi imzalanıb.

13 İyun 2024
Dünya

Azərbaycandan turist axını 28 % artıb

Bu ilin yanvar-may aylarında xarici ölkələrə gedən Azərbaycan vətəndaşlarının ümumi sayı ötən ilin eyni dövrü ilə müqayisədə 27,5 % artaraq 808,1 min nəfər olub.