Bakının Səttar Bəhlulzadə küçəsinin bir hissəsi təmir olunur

Bakının Səttar Bəhlulzadə küçəsinin bir hissəsi təmir olunur
11 İyun 2024 17:15

Azərbaycan Avtomobil Yolları Dövlət Agentliyi Bakının Suraxanı rayonunda Səttar Bəhlulzadə küçəsinin Heydər Əliyev prospektindən “Atəşgah məbədi” Dövlət Tarix-Memarlıq Qoruğuna qədər olan hissəsi üzrə təmir işlərinə start verib.

"Report" bu barədə agentliyə istinadən xəbər verir.

Məlumata görə, uzunluğu 4,9 km, ortalama eni 9 metr olan sözügedən küçə üzrə hazırda köhnə və yararsız asfalt-beton örtüyünün frezlənməsi və frez materialının kənara daşınması işləri aparılır.

Təmir çərçivəsində küçə boyu zəruri yerlərdə köhnə səki daşlarının yenilənməsi, yeraltı kommunikasiya xətlərinin baxış qapaqlarının layihə hündürlüyünə qaldırılması, zəruri olan yerlərdə yağış barmaqlıqlarının yenilənməsi işləri də yerinə yetiriləcək.

İşlərin aparıldığı hissələrdə ərazidən keçən avtonəqliyyat vasitələrinin və çalışan işçilərin təhlükəsizliyi baxımından müəyyən hərəkət zolaqları üzrə qismən məhdudlaşma tətbiq edilir.

"Sürücülərdən aparılan işlərə anlayışla yanaşmaları, təmir müddətində sözügedən hissədə hərəkətdə olarkən diqqətli olmaları, təmir ərazisində qoyulacaq müvəqqəti yol nişanlarının tələblərinə və yol hərəkəti qaydalarına riayət etmələri xahiş olunur", - deyə agentlik bəyan edib.


14 İyun 2024
Cəmiyyət

Ağalıda növbəti dəfə "Son zəng" çalındı

Zəngilanın Ağalı kənd orta məktəbində növbəti dəfə "Son zəng" mərasimi keçirilib.

14 İyun 2024
Cəmiyyət

Şənbə gününün hava proqnozu AÇIQLANDI

Ölkə ərazisində iyunun 15-nə gözlənilən hava proqnozu açıqlanıb.

14 İyun 2024
Cəmiyyət

Allahşükür Paşazadə Azərbaycan xalqını Qurban bayramı münasibətilə təbrik edib

Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə Azərbaycan xalqını Qurban bayramı münasibətilə təbrik edib.

14 İyun 2024
Cəmiyyət

Azərbaycanda metrodan istifadə edən sərnişinlərin sayı 4 %-ə yaxın artıb

Bu ilin yanvar-may aylarında Bakıda metro nəqliyyatının xidmətlərindən istifadə edən sərnişinlərin sayı 3,6 % artıb.

14 İyun 2024
Cəmiyyət

Əhalinin gəlirləri 5% artıb

Bu ilin yanvar-may aylarında Azərbaycan əhalisinin nominal gəlirləri 31 milyard 899,3 milyon manat təşkil edib.