“Emin 444”ün qətlinin təfərrüatı - 40 bıçaq zərbəsi vurublar

“Emin 444”ün qətlinin təfərrüatı - 40 bıçaq zərbəsi vurublar
10 May 2019 11:16


Məhkəmə-tibbi ekspertləri mayın 10-da Bakının Binəqədi rayonunda qətlə yetirilmiş Səfərov Emin Ehtiram oğlunun meyiti üzərində 40-a yaxın bıçaq yarası aşkarlayıb.

Realpress.az bildirir ki,bu barədə  Binəqədi rayon Prokurorluğundan məlumat verilib.

Qeyd edək ki, cinayət 6-cı mikrorayon ərazisində yerləşən İsrafil Həşimov küçəsində, təxminən gecə saat iki radələrində törədilib. Bir neçə nəfər arasında dava zamanı əvvəllər məhkumluğu olan Emin Səfərov çoxsaylı bıçaq xəsarətləri alıb və hadisə yerində keçinib.

Bundan başqa, dava iştirakçılarını ayırmağa çalışmış 61 yaşlı Yusifov Əli Məhəmməd oğlu zərər çəkib. Onun 1 saylı Kliniki Tibbi Mərkəzə yerləşdirildiyi bildirilir.

Binəqədi rayonu 7-ci polis bölməsinin əməkdaşları qətli törətməkdə şübhəli bilinən 24 yaşlı Naxçıvan sakini Tağıyev Həsən Mərdan oğlunu saxlayıb.

Əldə etdiyimiz məlumata görə, münaqişə Tağıyevin yaşadığı evin qarşısında baş verib.

O da məlumdur ki, mərhum bundan əvvəl qanunsuz odlu silah saxlamağa görə məhkumluq həyatı yaşayıb. Ötən il cinayət axtarış bölməsinin əməliyyatçıları E.Səfərovu həbs etsə də, dəmir barmaqlıqlar arxasında az qalıb. Hüquq-mühafizə orqanı əməkdaşlarının bildirdiyinə görə, bu yaxınlarda vaxtından əvvəl azadlığa çıxıb.

Kriminal aləmdə E.Səfərov “Emin 444” ləqəbi ilə tanınıb, onun kriminal dairələrdə özünə nüfuz qazanmağa can atdığı deyilir.

Bəzi məlumatlara görə, qanlı dava iki ayrı kriminal qruplaşmanın nümayəndələri arasında baş verib.

Hazırda prokurorluq cinayətin motivlərini araşdırır, davada iştirak etmiş digər şəxslərin aşkarlanması üzərində iş aparır.


31 May 2020
Kriminal

DİN: Ruslan Əmirov polisə tabe olmadığına görə həbs edilib

Daxili İşlər Nazirliyi (DİN) AXCP fəalı Ruslan Əmirovun həbsi ilə bağlı məlumat yayıb.

28 May 2020
Kriminal

Baş Prokurorluq Gəncədəki qətllə bağlı məlumat yaydı

Gəncə şəhər prokurorluq və polis əməkdaşları tərəfindən həyata keçirilmiş təxirəsalınmaz istintaq-əməliyyat tədbirləri nəticəsində mayın 26-da şəhər sakini Asim Yusubovu qəsdən öldürməkdə şübhəli bilinən tanışı, əvvəllər məhkum olunmuş, 1960-cı il təvəllüdlü İlham Məmmədov tutularaq istintaqa cəlb olunub.

27 May 2020
Kriminal

Prokurorluq “Jurnalistlər Binası” ilə bağlı araşdırmaya başlayıb

Jurnalistlər üçün nəzərdə tutulan mənzillərin ədalətsiz bölgüsü ilə bağlı Prezident İlham Əliyevə müraciət edən bir qrup media işçisi Baş Prokuror yanında Korrupsiyaya Qarşı Mübarizə İdarəsinə çağırılıb. 

16 May 2020
Kriminal

“The Times-Azerbaijan” şirkətinin direktoru həbs edildi

Keçirilən əməliyyat-axtarış tədbirləri nəticəsində Bakı şəhəri Xətai Rayon Polis İdarəsinin əməkdaşları dələduzluqda ittiham edilən “The Times-Azerbaijan” şirkətinin direktoru Ceyhun Hacıyevi saxlayıblar.

16 May 2020
Kriminal

DİN: Bərdədə polisə müqavimət göstərən 14 nəfər saxlanılıb

Bu gün Bərdə rayonunun Qaradırnaq kəndinin bir qrup sakini heyvanlarını otarmaq üçün onlara örüş sahəsinin ayrılması tələbi ilə toplaşıblar.