Narkotacirlərlə polis arasında silahlı insident - Dörd nəfər tutuldu

Narkotacirlərlə polis arasında silahlı insident - Dörd nəfər tutuldu
13 May 2019 17:05


Mayın 13-nə keçən gecə Cəlilabadın Xanəgah kəndində atışma olub.

Bu barədə realpress.az-a Cəlilabad rayon Polis İdarəsindən məlumat verilib.

Bildirilib ki, hadisə polis əməkdaşları ilə narkotik alverçiləri arasında baş verib.

Hüquq-mühafizə orqanlarının əməkdaşları şübhəli bildikləri “Hyundai” markalı avtomobili saxlamaq istəyiblər. Bu zaman cinayətkarlar polisin əmrinə tabe olmayıblar, BMW markalı polis avtomobilinin yan güzgüsünü sındırıblar və hadisə yerindən uzaqlaşmağa çalışıblar.

Polis əməkdaşları havaya xəbərdaredici atəşlər açıblar və yalnız bundan sonra şübhəli şəxslər dayanıblar. 

İnsident yerinə əlavə polis qüvvələri cəlb olunub.

Hadisə zamanı Naxçıvan sakini Mirkərim Seyidov, yardımlı sakini Tərlan Behbudov, Şəmkir sakini Rəşad Sadıqov və zəngilanlı Anar Məmmədov saxlanılıb.

Axtarış zamanı satış üçün nəzərdə tutulmuş heroin və psixotrop maddə sayılan metamfetamin tapılıb.

Polisdən bildiriblər ki, hüquq-mühafizə orqanları əməkdaşları ilə narkotacirlər arasında atışma baş verməsi barədə məlumatlar əsassızdır. İnsident zamanı cinayətkarlar tərksilah ediliblər.

Faktla bağlı cinayət işi açılıb, araşdırma aparılır.


31 May 2020
Kriminal

DİN: Ruslan Əmirov polisə tabe olmadığına görə həbs edilib

Daxili İşlər Nazirliyi (DİN) AXCP fəalı Ruslan Əmirovun həbsi ilə bağlı məlumat yayıb.

28 May 2020
Kriminal

Baş Prokurorluq Gəncədəki qətllə bağlı məlumat yaydı

Gəncə şəhər prokurorluq və polis əməkdaşları tərəfindən həyata keçirilmiş təxirəsalınmaz istintaq-əməliyyat tədbirləri nəticəsində mayın 26-da şəhər sakini Asim Yusubovu qəsdən öldürməkdə şübhəli bilinən tanışı, əvvəllər məhkum olunmuş, 1960-cı il təvəllüdlü İlham Məmmədov tutularaq istintaqa cəlb olunub.

27 May 2020
Kriminal

Prokurorluq “Jurnalistlər Binası” ilə bağlı araşdırmaya başlayıb

Jurnalistlər üçün nəzərdə tutulan mənzillərin ədalətsiz bölgüsü ilə bağlı Prezident İlham Əliyevə müraciət edən bir qrup media işçisi Baş Prokuror yanında Korrupsiyaya Qarşı Mübarizə İdarəsinə çağırılıb. 

16 May 2020
Kriminal

“The Times-Azerbaijan” şirkətinin direktoru həbs edildi

Keçirilən əməliyyat-axtarış tədbirləri nəticəsində Bakı şəhəri Xətai Rayon Polis İdarəsinin əməkdaşları dələduzluqda ittiham edilən “The Times-Azerbaijan” şirkətinin direktoru Ceyhun Hacıyevi saxlayıblar.

16 May 2020
Kriminal

DİN: Bərdədə polisə müqavimət göstərən 14 nəfər saxlanılıb

Bu gün Bərdə rayonunun Qaradırnaq kəndinin bir qrup sakini heyvanlarını otarmaq üçün onlara örüş sahəsinin ayrılması tələbi ilə toplaşıblar.