“Xalq Bank” kredit faizlərini kəskin endirdi

“Xalq Bank” kredit faizlərini kəskin endirdi
22 İyul 2019 16:47


ASC “Xalq” Bankının mətbuat xidmətindən aldığımız məlumata görə, “Xalq Bank” bütün kredit məhsullarının faiz dərəcələrini kəskin surətdə azaldıb. İndi bankın milli valyutada verdiyi biznes kreditləri 12-19 faiz dərəcəsi ilə təklif olunur. Əhaliyə verilən istehlak kreditlərinin illik faiz dərəcələri 16-20 faiz təşkil edir.

Bu addım “Xalq Bank”ın kredit məhsullarını bazarda mövcud olan kreditlər arasında ən əlverişli təklifə çevirir.

Qeyd edək ki, ölkənin bank sektorunda kredit faizlərinin bu cür kəskin şəkildə endirilməsi halı ilk dəfə baş verir. Bankın nümayəndəsi kredit faizlərinin endirilməsini dövlətin monetar siyasəti, Mərkəzi Bankın aşağı uçot dərəcəsi, bazarda makro-iqtisadi vəziyyətin sabitliyi, əməkhaqqılarının və əhalinin ödəmə qabiliyyətinin yüksəlməsi, yüksək likvidlik, ümumi sabitlik fonunda biznes risklərinin azalması və digər müsbət amillərlə izah edir.

“Xalq Bank”ın təklif etdiyi biznes kreditlər 5 ilədək müddətə illik 12-19 faiz, istehlak kreditləri isə 4 ilədək müddətə 16-20 faiz verilir. Bankdaxili ipoteka proqramını bərpa edib və ipoteka krediti müştərilərə maksimal məbləği 250 000 manat olmaqla, 10 ilədək müddətə, 10-12 faizlə təklif olunur.

Dəyişikliklər artıq təsdiqlənib və yaxın günlərdə qüvvəyə minəcək.

“Xalq Bank”ın xidmət və məhsulları haqda ətraflı məlumat almaq üçün filiallara, www.xalqbank.az internet səhifəsinə və ya 138 qısa nömrəsi ilə Məlumat mərkəzinə müraciət edə bilərsiniz.

11 Dek 2019
İqtisadiyyat

Neft Emalı Zavoduna yeni direktor təyin olunub

SOCAR-ın prezidenti Rövnəq Abdullayevin əmri ilə Məmmədov Bəxtiyar İbrahim oğlu Heydər Əliyev adına Neft Emalı Zavodunun direktoru, zavodun keçmiş direktoru İsmayılov Elman Abbas oğlu isə SOCAR-ın emal üzrə vitse-prezidentinin müavini təyin olunub.

10 Dek 2019
İqtisadiyyat

Heydər Əliyev Beynəlxalq Aeroportu yeni aviaşirkətləri cəlb edir

Marşrut şəbəkəsini genişləndirmək və sərnişin axınını artırmaq məqsədilə Heydər Əliyev Beynəlxalq Aeroportu iri sərnişin aviadaşıyıcılarının cəlb edilməsi və yeni istiqamətlərin açılması üzrə genişmiqyaslı işlər aparır.

10 Dek 2019
İqtisadiyyat

SOCAR və “Baker Hughes” arasında bir sıra sənədlər imzalanıb

Bu gün Bakıda Azərbaycan Dövlət Neft Şirkəti (SOCAR) və “Baker Hughes” beynəlxalq şirkəti arasında bir sıra sənədlər imzalanıb.

9 Dek 2019
İqtisadiyyat

Dollar və manatın bugünkü məzənnəsi

Azərbaycan Mərkəzi Bankı 9 dekabr tarixinə olan valyuta məzənnələrini açıqlayıb.