Rusiyada lokal hərbi şəbəkələri qoruyacaq kiberqoşunlar yaradılacaq

Rusiyada lokal hərbi şəbəkələri qoruyacaq kiberqoşunlar yaradılacaq
09 Avq 2019 15:10

Rusiya Silahlı Qüvvələri vəzifəsi lokal hərbi şəbəkələrin mühafizəsi və proqram hücumlarının dəf edilməsi olacaq xüsusi bölmələr yaratmağa başlayıb. Belə ki, “hərbi internet”in mühafizəsi üçün ölkənin Müdafiə Nazirliyi ali texniki təhsilə malik zabitlərdən ibarət kiberqoşunlar hazırlayacaq.

 

“ICTnews” Elektron Xəbər Xidməti “4PDA” resursuna istinadən yazır ki, lokal hərbi şəbəkələrin əsas problemi onların ənənəvi prinsip üzrə qurulmasındadır. Belə şəbəkə texniki baxımdan radiosiqnal şüalanması vasitəsilə aşkarlandıqdan sonra hakerlər ona müdaxilə edə və işinə mane ola bilərlər. “Wi-Fi” şəbəkəsinə müdaxilə isə trafikin dinlənilməsi və idarəetmə sisteminin ələ keçirilməsi ilə nəticələnər.

 

Plana görə, bütün səhra idarəetmə məntəqələri çoxsəviyyəli mühafizə sistemi ilə təchiz ediləcək. Şəbəkələrarası ekran daxil olan trafiki verilmiş şablon ilə müqayisə edəcək və onu buraxmaq və ya qadağan etməklə bağlı qərar qəbul edəcək. Xüsusi hazırlanmış antiviruslar zərərli proqramların qanunsuz müdaxiləsinin izlənilməsi ilə məşğul olacaqlar. Bundan əlavə, xüsusi proqram təminatı və avadanlıq müdaxilənin və ya trafikin ələ keçirilməsi cəhdinin hansı nöqtədən həyata keçirildiyini müəyyənləşdirəcək. İstənilən oxşar müdaxilə barədə operatora bildiriş və şəbəkənin yenidən qurulması üzrə bir neçə variant göndəriləcək.

 

Yeni qoşunların effektivliyinin sınağı üçün əsas obyektlərdən biri Müdafiə Nazirliyi tərəfindən hazırlanan “hərbi internet” layihəsi olacaq. Layihənin bir müddət əvvəl keçirilən sınaqları zamanı məlumatlar saniyədə 300 meqabit sürətlə ötürülüb, audio və videofayl mübadiləsi isə 2 min kilometr məsafədə aparılıb. Mütəxəssislərin sözlərinə görə, belə şəbəkəyə qanunsuz müdaxilə qeyri-mümkündür. Belə ki, o, haker hücumları və kənar müdaxilələrdən etibarlı qorunur.

Realpress.az



18 Noy 2019
İT

“TikTok” sosial şəbəkəsi “WhatsApp”la eyni populyarlığa malikdir

“Sensor Tower” analitik firmasının araşdırmasına görə, “App Store” və “Google Play” mobil tətbiqlər mağazasında “TikTok” sosial şəbəkəsinin yüklənmə göstəricisi 1,5 milyardı ötüb. Yalnız 2019-cu ildə sözügedən mobil proqram 614 milyon dəfə yüklənilib.

18 Noy 2019
İT

Gələn il “5G” dəstəkli “Xiaomi” smartfonları buraxılacaq

"Xiaomi" şirkətinin baş direktoru Ley Tszyun illik "China Mobile Global Partner" konfransı çərçivəsində 2020-ci ildə qiyməti 285 dollardan baha bütün yeni smartfonların beşinci nəsil mobil rabitə şəbəkəsini (5G) dəstəkləyən modemlərlə təchiz ediləcəyini bildirib.

18 Noy 2019
İT

Hörümçək toru əsasında yeni biokompozit hazırlanıb

Sankt-Peterburq Milli İnformasiya Texnologiyaları, Mexanika və Optika Universitetinin və İsveçin SLU Universitetinin alimlərinin birgə araşdırmaları nəticəsində təbii hörümçək torunun proteinləri və optik aktiv nanohissəciklər əsasında yeni biokompozit hazırlanıb.

18 Noy 2019
İT

Bir neçə dəqiqə ərzində “3D” xəritə hazırlayan yeni qurğu təqdim edilib

Xüsusi avadanlıq olmadan qısa müddətdə “3D” xəritə hazırlamaq çətindir. ABŞ-ın Ordu Mühəndislər Korpusu tərəfindən hazırlanmış yeni fotoqrammetriya texnologiyası bir neçə dəqiqə ərzində adi aerofotoşəkillər əsasında dəqiq xəritələr hazırlamağa imkan verir.

18 Noy 2019
İT

Milyonlarla “Android” smartfonunun sahibi təhlükə qarşısındadır

“Android” sisteminin idarəetməsi altında işləyən qurğularda istifadə olunan “Qualcomm” prosessorlarında istifadəçilərin məlumatını oğurlamağa imkan verən boşluq aşkar edilib. Bu haqda “CheckPoint” şirkətinin mütəxəssisləri məlumat veriblər.