“Sony Xperia 5” adlı qabaqcıl smartfon təqdim edilib

“Sony Xperia 5” adlı qabaqcıl smartfon təqdim edilib
06 Sent 2019 15:39

“Sony” şirkəti “OLED” displey və “Alpha ILC” texnologiyası əsasında hazırlanmış 3 qat fotomodulla təchiz edilmiş “Xperia 5” qabaqcıl smartfonunu təqdim edib. Yeni aparat Berlində keçirilən “IFA 2019” sərgisi çərçivəsində təqdim edilib.

 

“ICTnews” Elektron Xəbər Xidməti “hitech.vesti.ru” saytına istinadən yazır ki, yeni aparat “Xperia 1” cihazına çox oxşardır, yalnız daha yığcamdır. Ekranın diaqonalı 6,5-dən 6,1 düym, korpusun eni isə 72-dən 68 mm-dək kiçildilib.

 

"Xperia 5" smartfonu “Snapdragon 855” qabaqcıl prosessoru, 6 QB-lıq əməli yaddaş və 128 QB-lıq daxili yaddaşla təchiz edilib. Batareyanın tutumu 3140 milliamper/saat təşkil edir. Qurğuya bir yaxud iki SİM-kart və tutumu 512 QB-dək olan yaddaş kartı yerləşdirmək mümkündür. Həmçinin “Dolby Atmos” tutumlu səslənmə texnologiyası reallaşdırılıb.

 

“Xperia 5” smartfonunun fotomodulu göz üzrə avtofokuslama funksiyasına malik 12 meqapiksellik (f/1,6) sensor, 12 mp-lik zum obyektiv (f/2,4) və 135 dərəcə baxış bucağına malik genişbucaqlı kameradan ibarətdir. Birinci iki kamera optik, sonuncu isə elektron sabitləşmə texnologiyasını dəstəkləyir.

 

Yeni smartfonun özəlliklərindən biri “Wi-Fi” texnologiyasının qeyri-sabit işləməsi haqqında məlumat verən kompüter təliminə əsaslanan alqoritmlərdir. “Sony” şirkətinin həlli olan süni intellekt simsiz şəbəkənin lazımi sürəti təmin etmədiyini müəyyənləşdirən kimi, avtomatik olaraq LTE şəbəkəsinə keçid edəcək.

Realpress.az


19 Mar 2020
İT

İlk ikiekranlı televizor nümayiş olunub

“Hisense” şirkəti iki ekrana və “8K” təsvir ölçüsünə malik dünyanın ilk televizorunu təqdim edib.

19 Mar 2020
İT

2020-ci ildə 200 dollara “5G” smartfon satın almaq mümkün olacaq

2020-ci ilin sonunadək smartfonlar bazarında təxminən 214 dollar məbləğində “5G” şəbəkələrini dəstəkləyən qurğular əlçatan olacaq. 

18 Mar 2020
İT

“OPPO” şirkəti “Reno3” smartfonunun “4G” versiyasını təqdim edib

"OPPO" şirkəti "Reno3" smartfonunun təqdim edilməsindən üç ay sonra qurğunun LTE modemlə təchiz edilmiş daha ucuz versiyasını təqdim edib.

18 Mar 2020
İT

Yeni “Powerbeats” qulaqcığı rəsmən təqdim olunub

“Apple” korporasiyasına məxsus “Beats” şirkəti yeni simsiz “Powerbeats” qulaqcığını rəsmən təqdim edib.

18 Mar 2020
İT

İki ucuz “iPhone” modeli buraxılacaq

“Apple” şirkəti iki ucuz “iPhone” modelini satışa çıxarmağı planlaşdırır.