Yeni “iPad” planşeti buraxılıb

Yeni “iPad” planşeti buraxılıb
11 Sent 2019 10:30

“Apple” şirkəti yeni “iPad” planşetini təqdim edib.

 

“ICTnews” Elektron Xəbər Xidməti “4PDA” resursuna istinadən yazır ki, məlumata görə, yeni “iPad” (2019) modeli 3,5 milyon pikselli 10,2 düymlü böyüdülmüş “Retina” ekranı ilə təchiz olunub. Beləliklə, “Apple” aktual planşetlər sırasında 9,7 düymlük ölçüdən imtina edib. Böyüdülmüş displeylə yanaşı, qurğu ilk dəfə 2016-cı ildə “iPhone 7” və “iPhone 7 Plus” smartfonları ilə birgə təqdim edilən dördnüvəli “A10 Fusion” prosessoruna malikdir.

 

Bildirilir ki, “iPadOS” əməliyyat sisteminin idarəetməsi ilə işləyən planşet kompüter sisteminin bütün imkanlarını, o cümlədən yeni iş masası, təkmilləşdirilmiş çoxfunksiyalılıq və s. dəstəkləyir.

 

10,2 düymlük “iPad” planşetinin digər texniki xüsusiyyətləri arasında kənar klaviaturanın qoşulması üçün “Smart Connector”, “Apple Pencil” elektron qələm dəstəyi, “Home” düyməsində “Touch ID” barmaq izi skaneri və bir dəfə enerji toplamaqla 10 saatlıq avtonom iş qeyd olunur.

 

Sentyabrın 30-da satışa çıxarılacaq 10,2 düymlük “iPad” planşetinin “Wi-Fi” dəstəkli 32 giqabaytlıq versiyasının qiyməti 428 dollar, “LTE” dəstəkli modifikasiyasının isə 596 dollar təşkil edəcək. Bundan başqa, 128 giqabaytlıq versiyanın qiyməti müvafiq olaraq 535 (Wi-Fi) və 703 dollara (Wi-Fi LTE) bərabər olacaq.

Realpress.az


5 Dek 2019
İT

Selfi kamerası korpusdan kənara çıxan “Motorola One Hyper” modeli təqdim edilib

“Motorola” şirkəti selfi kamerası korpusdan kənara çıxan ilk smartfon modelini təqdim edib.

5 Dek 2019
İT

“AzDoc” elektron sənəd dövriyyəsi sistemi “A-dan Z-yə elektron kargüzarlıq” xidmətlərini təqdim edir

"AzDoc" elektron sənəd dövriyyəsi – müəssisə və təşkilatların bütün struktur bölmələrində sənəd dövriyyəsini elektronlaşdırmağa imkan verən proqram təminatıdır. Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin mütəxəssisləri tərəfindən hazırlanan "AzDoc" təşkilatın bütün sənədlərinin qeyd olunduğu gündən arxivdən silindiyi günə qədər tam dövriyyəsini dəstəkləyir. Burada sənədlərin qeydiyyatı, göndərilməsi, dərkənar yazılması, icrası, nəzarətə götü

5 Dek 2019
İT

“Qualcomm” iki barmaq üçün ultrasəs 3D barmaq izi skaneri hazırlayıb

Bir il bundan əvvəl “Qualcomm” şirkəti tərəfindən təqdim edilmiş dünyada ilk ultrasəs “3D Sonic Sensor” barmaq izi skaneri hətta çirkli ekrandan dəri toxumasını dəqiq tanıyırdı. İndi şirkət eyni anda iki barmaq izini skan edə bilən yeni versiyanı – “3D Sonic Max” nümayiş etdirib.

5 Dek 2019
İT

“AzInTelecom” MMC ilə Belarus Respublikasının Trafik Mübadiləsi Milli Mərkəzi arasında müqavilə imzalanıb

Azərbaycan Respublikasının Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən "AzInTelecom" MMC ilə Belarus Respublikasının Trafik Mübadiləsi Milli Mərkəzi arasında beynəlxalq telekommunikasiya xidmətlərinin göstərilməsi haqqında müqavilə imzalanıb.

5 Dek 2019
İT

Brin və Peyc “Alphabet”in rəhbər postunu tərk ediblər

ABŞ-ın "Google" şirkətinin təsisçiləri Serqey Brin və Larri Peyc "Alphabet" holdinqi üzərində nəzarəti "Google"un baş direktoru Sundar Piçaiyə təhvil veriblər.