Misir Mərdanov bu vəzifəyə seçildi

Misir Mərdanov bu vəzifəyə seçildi
12 Sent 2019 17:21

Azərbaycan Milli Elmlər Akademiyasının (AMEA) Rəyasət Heyətində Fizika-Riyaziyyat və Texnika Elmləri Bölməsinin (FRTEB) ümumi yığıncağı keçirilib.

Akademiyadan BAKU.WS-ə verilən məlumata görə, FRTEB-nin akademik-katibi, akademik Nazim Məmmədov gündəlikdəki məsələləri diqqətə çatdırıb. Bildirib ki, bugünkü iclasda bölmənin Fizika, Riyaziyyat və Mexanika, İnformasiya Texnologiyaları, İdarəetmə Sistemləri və Biofizika institutlarında direktor vəzifəsini tutmaq üçün seçkilər keçiriləcək.

N.Məmmədov qeyd edib ki, bölmənin elmi tədqiqat müəssisələrinin direktoru vəzifəsinə namizədlər böyük elmi nailiyyətləri, elmi-təşkilati bacarığı və təcrübəsi olan alimlər sırasından həmin institutun elmi şurasında müsabiqə yolu ilə gizli səsvermə nəticəsində irəli sürülür. Sonra səsvermənin nəticələri bölməyə daxil olur.

Bölməyə təqdim olunan sənədlərin baxılması üçün texniki ekspertiza komissiyasının yaradıldığını deyən alim FRTEB-in bugünkü iclasında gizli səsvermə yolu ilə seçkilərin aparılacağını və seçilən namizədlərin AMEA Rəyasət Heyətinin qərarı ilə təsdiq olunacağını bildirib.

Daha sonra akademik Yusif Məmmədov müsabiqə komissiyasının və ekspertlərin yekun rəylərini diqqətə çatdırıb.

İclasda bölmənin elmi müəssisələrinə direktor seçmək üçün hesablayıcı komissiya yaradılıb. Komissiyanın sədri akademik Cavad Abdinov olmaqla, tərkibi seçilib.

Gizli səsvermə yolu ilə akademik Nazim Məmmədov Fizika İnstitutu, AMEA-nın müxbir üzvü Misir Mərdanov Riyaziyyat və Mexanika İnstitutu, akademik Rasim Əliquliyev İnformasiya Texnologiyaları İnstitutu, akademik Telman Əliyev İdarəetmə Sistemləri İnstitutu, AMEA-nın müxbir üzvü Oktay Qasımov isə Biofizika İnstitutunun direktoru vəzifəsinə seçiliblər.

Səsvermədə 40 bölmə üzvündən 34-ü iştirak edib.

Seçkinin nəticəsinin təsdiq edilməsi üçün AMEA Rəyasət Heyətinə təqdim olunması qərara alınıb.

18 Fev 2020
Cəmiyyət

Bakıda koronavirusa görə insanlardan pul yığılır - hər evdən 3 AZN - VİDEO

ARB TV-nin “Günə doğru” verilişində koronavirus fırıldaqçıları ilə bağlı süjet yayımlanıb.

18 Fev 2020
Cəmiyyət

Azərbaycanda bu məhsulların gömrük rüsumu müəyyənləşdi — QƏRAR

Azərbaycan Respublikasının ərazisinə gətirilən tərkibində spirtin miqdarı 9 faizdən az olan tündləşdirilməmiş alkoqollu içkilər üçün aksiz dərəcəsi və idxal gömrük rüsumu müəyyənləşdirilib.

18 Fev 2020
Cəmiyyət

“Azəriqaz”ın rəhbəri baş mühəndisi işdən çıxardı, 270 əməkdaşla bağlı intizam-tənbehi tətbiq etdi

“Azəriqaz”ın rəhbəri baş mühəndisi işdən çıxardı, 270 əməkdaşla bağlı intizam-tənbehi tətbiq etdi

18 Fev 2020
Cəmiyyət

Dünyada bir ölkə belə koronavirusdan kənarda qalmayacaq - Dünya Səhiyyə Təşkilatından xəbərdarlıq

Dünya Səhiyyə Təşkilatı yeni adı SARS Cov 2 olan koronavirusla yoluxmanın dünyanın hər ölkəsində olacağını gözləyir və bəyan edib.

18 Fev 2020
Cəmiyyət

"Sədərək"dəki yanğında xəsarət alanlardan XƏBƏR VAR

"Sədərək" Ticarət Mərkəzində baş verən yanğından xəsarət alan şəxslərdən ikisi Kliniki Tibbi Mərkəzin toksikolojogiya şöbəsinə aparılıb.