"Türkiyənin problemi kürdlərlə deyil, PKK ilədir" - Bərzani

"Türkiyənin problemi kürdlərlə deyil, PKK ilədir" - Bərzani
06 Noy 2019 16:10

Türkiyənin əvvəldən bəri Suriyadakı kürdlərlə problemi yoxdur, sadəcə, PKK ilə problemi var.

Realpress.az teleqraf.com-a istinadən xəbər verir ki, bu sözləri Ərbildəki Yaxın Şərq Araşdırma İnstitutu (MERI) tərəfindən təşkil edilən paneldə Suriya və PKK ilə əlaqədar İraq Kürd Regional Muxtariyyətinin baş naziri Nəcirvan Bərzani deyib.

N.Bərzani Türkiyə tərəfinin "Biz heç bir şəkildə Suriya ilə sərhədlərimizdə PKK əsgilərini həzm edə bilmərik" mövqeyinin ona çatdırıldığını bildirib:

"Bunun Suriyadakı qardaşlarımız üçün də böyük bir təhlükə olduğunu söyləməyə çalışdıq".

PKK-nın Suriyadakı mövcudluğuna reaksiya göstərən Bərzani eyni zamanda qeyd edib ki, "yeganə istəyimiz kürdlərin PKK ilə aralarına məsafə qoymalarıdır. PKK özünü Suriya kürdləri vasitəsilə legitimləşdirmək istədi və təəssüf ki, bu gün bu nöqtəyə gəlib çıxıldı".

Qeyd edək ki, başda ABŞ, Avropa və Rusiya olmaqla bəzi ölkələr Türkiyənin PKK terroruna qarşı mübarizəsi ilə bağlı açıqlamalarında PKK yerinə şüurlu şəkildə "kürdlər" ifadəsini istifadə etməkdədir. Sözügedən mövqe Türkiyənin cənub sərhədində yaradılmağa çalışılan terror dəhlizini yox etmək, bölgəyə sülh və əmin-amanlıq gətirmək məqsədilə başlatdığı "Sülh çeşməsi" əməliyyatı prosesində də davam edir.

PKK-nın Türkiyə kimi ABŞ və Avropanın da terror təşkilatları siyahısında yer almasına baxmayaraq, nümayiş etdirilən bu davranış Türkiyənin bu gün də davam etdirdiyi və son 30 illik terrorla mübarizə prosesini təhrif edir. N.Bərzani bu açıqlama ilə Türkiyənin terrorla mübarizəsini kölgələmək üçün PKK və törəmələri yerinə israrla "kürdlər" deyilməsinə və Türkiyənin kürdlərlə problemi varmış kimi təqdim edilməsinə qarşı çıxmış olub.



9 İyul 2020
Dünya

İsveçdə koronavirus qurbanlarının sayı 5,5 minə çatdı

İsveçdə koronavirus infeksiyası ilə əlaqədar ölüm hallarının sayı 5,5 minə çatıb.

9 İyul 2020
Dünya

İraq koronavirusa görə 14 günlük komendant saatı tətbiq edə bilər

İraq koronavirus epidemiyasının üçüncü mərhələsinə qədəm qoyub və bu səbəbdən epidemiya ilə mübarizə üzrə ölkə parlamentindəki böhran qərargahı 14 gün ərzində sutkalıq komendant saatı tətbiq edilməsini ən yaxşı həll yolu hesab edir.

9 İyul 2020
Dünya

Mer: "COVID-19 Moskvada geri çəkilməyə davam edir"

"COVID-19 pandemiyası Moskvada geri çəkilməyə davam edir, yeni yoluxma dalğası baş verməyib".

9 İyul 2020
Dünya

Vəsiyyət yazandan sonra itkin düşmüş merin meyiti tapıldı - YENİLƏNİB

Cənubi Koreyanın paytaxtı Seul şəhərinin itkin düşmüş meri Pak Von Sunun meyiti tapılıb.