Rusiya Prezidenti Vladimir Putin Ukrayna Prezidenti Vladimir Zelenkskiyə qaz haqqında verilən suala məşhur şair Sergey Mixalkovun uşaq şeiri ilə cavab verib.
Jurnalistlər Ukrayna Prezidentindən danışıqlar zamanı qaz məsələsinin müzakirə olunub-olunmadığını soruşublar, o isə ölkə liderlərinin, həqiqətən də, bu məsələni qaldırdıqlarını deyib.
“Biz bu barədə ikitərəfli görüşdə danışmışıq... Və müşavirlər səviyyəsində həcmi, formatı və qiyməti müzakirə olunacaq”, - deyə Zelenski bildirib.
Bundan sonra mövzunu Rusiya lideri davam etdirərək, öz həmkarına qeyri-adi şəkildə cavab verib:
“Məşhur uşaq şeiri yadınızdadır: “A bizim mənzilimizdə qaz var. Bəs Sizin?” Sizin də var və olacaq. Və birgə və vicdanlı iş barədə razılaşa bilsək, ola bilsin ki, 25 faiz daha ucuz olsun”, - deyə Putin vurğulayıb.
Xatırladaq ki, noyabrın 18-də Rusiya Ukraynaya qaz nəqli üzrə müqaviləni uzatmağı təklif edib, bu şərtlə ki, tərəflər qaz sektorundakı iddialardan imtina etsinlər. Kiyev “Qazprom”un təklifinin qəbuledilməz olduğunu söyləyərək, öz şərtlərinə görə sövdələşmə təklif ediblər.
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.