Bakıda koronavirusa görə insanlardan pul yığılır - hər evdən 3 AZN - VİDEO

Bakıda koronavirusa görə insanlardan pul yığılır - hər evdən 3 AZN - VİDEO
18 Fev 2020 17:22

ARB TV-nin “Günə doğru” verilişində koronavirus fırıldaqçıları ilə bağlı süjet yayımlanıb.

Sakin: “1 nəfər oğlan idi. Qapını açmadıq, amma dedi ki, epidemiologiyadan gəlmişəm”.

Dünyanı qorxuya salan koronavirus təhlükəsi artıq ölkəmizə də gəlib çıxıb. Amma bu dəfə virus özü yox, bundan istifadə edən işbazlar peyda olub. Naməlum şəxs və ya şəxslər şəhərin müxtəlif ünvanlarında qapı-qapı düşərək insanlardan pul tələb edir. Bu pul müqabilində onların mənzillərini virusa qarşı dezinfeksiya edəcəklərini bildirirlər.

Sakin: “Hər evdən 3 manat yığırıq, dərman almaq üçün”, - dedi. Qoruyucu geyimdə idi oğlan, əlindəki alətlə ətrafa dərman səpələyirdi. Sonra çıxdı getdi”.

Sakin: “Qurd yox, quş yox, ağcaqanad yox. İndi niyə edirsən? Dedi bizə göstəriş veriblər. Soruşduq göstərişi kim verib, cavab vermədi. Amma qabağında belə vizitka kimi bir şey var idi, qırmızı rəngdə paltarı var idi. Birinin də ağzında maska var idi. Dedilər hər evdən 3 manat yığırıq, ver. Aldı 3 manatı məndən, getdi”.

Ziyəddin Kazımov – GEM – şöbə müdiri: “Kifayət qədər özəl sektora mənsub olan belə dezinfeksiyaedici şöbələr mövcuddur. Hansı ki, bunlar ayrı-ayrı fiziki şəxslərə aiddir. Bunlar ancaq bağlanmış müqavilə əsasında xidmət göstərə bilər. Müqviləsiz hansısa qapını döyüb "biz dezinfeksiya işi aparmağa gəlmişik" deyə bilməz, icazəsi yoxdur”.

Respublika Gigiyena və Epidemiologiya Mərkəzinin şöbə müdiri Ziyəddin Kazımov deyir ki, hazırda onlara hər hansı bir tapşırıq verilməyib. Yalnız müraciət olduğu halda dezinfeksiya işləri aparıla bilər.

Ziyəddin Kazımov – GEM – şöbə müdiri: “Ayrı-ayrı evlərdən rəsmi qaydada müraciət əsasında ödənişli xidmət göstərilir. Təsərrüfat hesabına işləyən idarədir. Onlar da bu müqavilə əsasında xidmət göstərə bilərlər”.

Vətəndaşlara tövsiyə olunur ki, gələn şəxslərdən şəxsiyyət vəsiqəsi, işlədiyi yerin vəsiqəsini tələb etsin. Eyni zamanda sakinlərə belə halla rastlaşdıqda hüquq-mühafizə orqanlarına müraciət etmələri məsləhət görülür.

Realpress.az


5 Apr 2020
Cəmiyyət

DYP: Bakıda 21 avtomobil xüsusi karantin rejimini pozub

Bakıda bu gün karantin rejiminin yoxlanması ilə bağlı 500-dən çox avtomobil saxlanılıb.

5 Apr 2020
Cəmiyyət

Şirvanda karantin rejimini pozan dörd nəfər həbs edildi

Karantin rejimi qaydalarının təmin olunması məqsədilə Şirvan Şəhər Polis Şöbəsinin əməkdaşları tərəfindən tədbirlər davam etdirilir.

5 Apr 2020
Cəmiyyət

8103 SMS müraciət sistemi ilə bağlı əhaliyə çağırış edildi - VİDEO

Qısa müddətdə yaradılan “Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi” vasitəsi ilə 5 aprel 2020-ci il tarixdən vətəndaşların sorğuları cavablandırılmağa başlanılıb.  

5 Apr 2020
Cəmiyyət

Polis Şəkidə icazəsiz hərəkət edən şəxslər barəsində qanunauyğun tədbirlər görüb

Azərbaycan Respublikası Nazirlər Kabineti yanında Operativ Qərargahın koronavirus infeksiyasının geniş yayılmasının qarşısının alınmasına dair əlavə tədbirlər haqqında qərarına uyğun olaraq, nəzərdə tutulan tədbirlər Şəki Şəhər Rayon Polis Şöbəsinin əməkdaşları tərəfindən rayon ərazisində icra olunur. 

5 Apr 2020
Cəmiyyət

İmişlidə karantin rejimini pozan 20 nəfər və 2 iaşə obyekti cərimə edilib

İmişli rayonunda karantin rejimini pozan 20 nəfər və 2 iaşə obyekti cərimə edilib.