Millət vəkili: “Sərtləşdirilmiş karantin rejiminin virusla mübarizədə zərəri faydasından çoxdur”

Millət vəkili: “Sərtləşdirilmiş karantin rejiminin virusla mübarizədə zərəri faydasından çoxdur”
16 Sent 2020 12:25


Milli Məclisin Səhiyyə komitəsinin sədr müavini, tibb elmləri doktoru Rəşad Mahmudov koronavirus pandemiyasına görə dünyada və Azərbaycanda bundan öncə atılan addımlar və qarşıda bizi gözləyən proseslərlə bağlı danışıb.

 R.Mahmudov APA tv internet kanalında yayımlanan “APAralel” verilişində çıxışı zamanı COVID-19 virusunu qriplə müqayisə edib:

“Hamı qrip infeksiyasını keçirib. COVID-19 kimi virusla da hamımız zaman içində qarşılaşacağıq. Bu gün dünya səhiyyə sistemi olaraq COVID-19 virusu ilə bağlı hadisələrə 70-80 faiz hakimik. Lakin kütləvi yoluxmanın gətirəcəyi stress və virusu öyrənməyə görə hadisəni nəzarətdə saxlamaq üçün iqtisadiyyata, mədəniyyətə zərbə vuraraq insanları evə bağlamaq qərarına hökumətlər məcbur oldu.

Üç ay bundan qabaqkı vəziyyətlə müqayisədə həm dünyada, həm də ölkəmizdə vəziyyət daha yaxşıdır. Bu gün yumşalmanın olmasının səbəbi daha əvvəl toxunduğumuz hər yerdən qorxarkən, bu gün virusu öyrənməyimizdir.  İndi bu virusun davranma üsulunu bilirik, virus sadə qripdə olduğu kimi davranır, hava yolu təması ilə keçir. Biz buna uyğun şəkildə qorunduğumuz zaman gündəlik həyatımızı davam etdirə bilərik.

İndi vəziyyət tam nəzarət altındadır, karantin xəstəxanalarının yataqlarının 90 faizindən çoxu boşdur, əlavə xəstəxanalar da ayrılır. Amma virus bizimlədir, növbəti dalğa bizim gücümüzdən böyük olarsa, nəzarətdən çıxa bilər. Burada virusun davranma tərzi də nəzərə alınmalıdır, aprel ayında virusa yoluxanlarda ağciyər tutulması heç 1 faiz olmadığı halda, iyun-iyul aylarında yoluxanların 90 faizində ağciyərdə zədələnmələr oldu. Bunu dərəcəsindən asılı olaraq kimsə hiss etməyə bilərdi.

Qorxutmaq üçün demirəm, ancaq virusun növbəti davranışının necə olacağı bəlli deyil. Buna görə ehtiyatlı olmalıyıq. Amma biz əvvəlki qədər qorxub evlərə bağlanmayacağıq. Çünki dünyanın artıq müəyyən təcrübəsi var. Biz vətəndaş olaraq ehtiyatımızı beş dəfə artırmalıyıq, məsuliyyətimizi hiss etməliyik”.

R.Mahmudov qeyd edib ki, Ümumdünya Səhiyyə Təşkilatı payızla bağlı vəziyyətin daha da pisləşə biləcəyi haqda xəbərdarlıq edib:

“Virusun insanlar üzərində yaratmış olduğu qorxu ilə uşağımızın adi qrip olduğu zaman keçirəcəyimiz stressi düşünərək cəmiyyət bizi nələrin gözləyəcəyinə hazır olmalıdır ki, həmin vaxt küyə düşərək daha böyük zərər verməyək. Bu payızdan sonra istər peyvənd olsun, istər olmasın, gələcək üçün artıq rahat nəfəs alınacaq zamana giriləcək. Bu COVID-19 da digər virus xəstəlikləri kimi olacaq.

Vaxtilə “Heptatit A” virusu üçün nə qədər insan həyatını itirib, amma indi həmin viruslar davranışını dəyişərək insana zərər vermədən yaşayırlar. Virusun yaşaması üçün insana ehtiyacı var. Sadəcə indi çaşqınlıq yaranıb, bu çaşqınlığı da virus yaratmayıb, o, belə aqressiv olmamalı idi. Biz virusa müdaxilə etmişik, buna ehtimallar var, şübhələr var. Virusun belə fərqli davranması, ağciyərə, ürək-damar sisteminə qarşı həssaslığı ilə bağlı şübhələrimiz var”. 

Rəşad Mahmudov əlavə edib ki, yenidən alovlanmalar olduğu zaman hər bir ölkəyə ÜST tərəfindən tövsiyələr verilib:

“Artıq konkret bir qərar verildi. Ağır, sərtləşdirilmiş karantin rejimlərinin COVID-19 virusu ilə mübarizədə heç bir faydasının olmadığı, hətta zərərinin daha çox olduğu sübut edildi. Əslində zərərinin çox olduğunu hamı bilirdi. Amma tibbi nöqteyi-nəzərdən faydasına görə karantin elan olunurdu, amma görüldü ki, faydası da yoxdur. Bundan sonra ən ağır, pik hadisələr olsa belə, parklarımız bağlanmayacaq.

Biz məsafəli gəzib, maskamızı taxdıqdan sonra həyat olduğu kimi davam edəcək. Əvvəlki məhdudiyyətlərin bizim üçün yaratdığı fiziki passivlik mənfi nəticəsini verir. İdmançılarda bunu görürük, həmin vəziyyət hamımıza aiddir. Virusa görə zərərlər dəydi, hesablamaların düzgün aparılmadığı tərəflər oldu. Bu, bütün dünya üçün keçərlidir”.

28 Sent 2020
Cəmiyyət

Azərbaycan ərazisində hərbi vəziyyət elan olunub

Bu gündən Azərbaycan ərazisində hərbi vəziyyət elan olunub.

28 Sent 2020
Cəmiyyət

Ombudsman aparatından Ermənistanın dinc əhalini qətlə yetirməsinə etiraz olaraq BƏYANAT

Məlum olduğu kimi, 27 sentyabr 2020-ci il tarixindən başlayaraq Ermənistan silahlı qüvvələrinin yaşayış məntəqələrimizi və sosial obyektləri müxtəlif növ iri çaplı artilleriya qurğuları və digər silahlardan atəşə tutması nəticəsində mülki əhali, o cümlədən, qadın və uşaqlar qətlə yetirilmiş, yaralanmış, çoxsaylı evlərə və mülki obyektlərə ciddi ziyan dəyib.

28 Sent 2020
Cəmiyyət

XİN erməni təxribatı nəticəsində həlak olan bir ailənin üzvlərinin adlarını AÇIQLADI

Cari ilin 27 sentyabr tarixində Ermənistan silahlı qüvvələrinin artilleriya atəşi nəticəsində Azərbaycanın Naftalan rayonunun Qaşaltı kəndinin sakini 1951-ci il təvəllüdlü Qurbanov Elbrus və onun dörd ailə üzvü, 1956-cı il təvəllüdlü Qurbanova Şəfayət, 2006-cı il təvəllüdlü Qurbanova Fidan, 2007-ci il təvəllüdlü Qurbanov Şəhriyar və 1981-ci il təvəllüdlü Əmirova Afaq həlak olublar.

27 Sent 2020
Cəmiyyət

Əmrə tabe olmayan sərhəd pozucularına atəş açıldı: Saxlanılanlar var - FOTO

Sentyabrın 25-də Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin xidməti ərazisində Beyləqan rayonunun 2-ci Şahsevən kəndi yaxınlığındakı sərhəd zastavasının xidməti sahəsində İran İslam Respublikasından Azərbaycan Respublikasına doğru 3 nəfər şəxsin hərəkəti sərhəd naryadı tərəfindən müşahidə edilib və həmin şəxslərə “dayan” əmri verilərək havaya xəbərdarlıq atəşi açılıb.

26 Sent 2020
Cəmiyyət

DTX-nin həbs etdiyi sabiq vəzifəli şəxslərdən XƏBƏR VAR

Xarici İşlər Nazirliyinin (XİN) Konsulluq İdarəsinin Konsulluq-hüquq şöbəsinin rəisi Nurupaşa Abdullayev və Konsulluq məsələləri və sənədlərin təsdiqi şöbəsinin üçüncü katibi İlqar Əliyev barəsində seçilən həbs qətimkan tədbirinin dəyişdirilməsi barədə vəsatətlər verilib.