Oksford Universitetinin “AstraZeneca” (Britaniya-İsveç əczaçılıq şirkəti) ilə birlikdə hazırladığı COVID-19 peyvəndinin Braziliyada sınaqları könüllülərdən birinin ölümünə baxmayaraq, davam edəcək.
Bu barədə TASS xəbər verir.
“Klinik sınaqlarla bağlı Braziliyada heç bir narahatlıq yaranmayıb”, - deyə Universitetin məlumatında bildirilib.
Orada əlavə olunub ki, müstəqil araşdırmadan sonra sınaqların davam etdirilməsi barədə qərara gəlinib.
“Reuters”in məlumatına görə, 28 yaşlı könüllü COVID-19-un fəsadları nəticəsində ölüb. Bu məlumat Braziliyada peyvənd sınaqlarının üçüncü mərhələsinin koordinasiyasına kömək edən San-Paulo Federal Universiteti tərəfindən təsdiqlənib.
Ümumilikdə, Braziliyada səkkiz min nəfər bu dərman üçün beynəlxalq tədqiqat proqramında iştirak edir.
Almaniyada işgüzar səfərdə olan Azərbaycan Prezidenti İlham Əliyev Kanslerin Aparatına gəlib.
Yaponiyanın Baş naziri Fumio Kişida mayın 1-dən 6-dək Fransa, Paraqvay və Braziliyaya səfər edəcək.
