Bahar Muradova BMT-nin Uşaq Fondunun (UNİCEF) Azərbaycandakı nümayəndəsi Edvard Karvardinlə görüşüb - FOTO

Bahar Muradova BMT-nin Uşaq Fondunun (UNİCEF) Azərbaycandakı nümayəndəsi Edvard Karvardinlə görüşüb - FOTO
07 Apr 2021 17:13


Ailə, Qadın və Uşaq Problemləri üzrə Dövlət Komitəsinin sədri Bahar Muradova BMT-nin Uşaq Fondunun (UNİCEF) Azərbaycandakı nümayəndəsi Edvard Karvardinlə görüşüb.

Bu barədə realpress.az-a Ailə, Qadın və Uşaq Problemləri üzrə Dövlət Komitəsindən məlumat verilib.

Bildirilib ki, görüş zamanı “Azərbaycan üzrə 2021-2025-ci illər üçün yeni Ölkə Proqramı”nın müzakirəsi keçirilib. Görüşdə Ailə, Qadın və Uşaq Problemləri üzrə Dövlət Komitəsinin Xarici əlaqələr və protokol xidməti şöbəsinin müdiri Səbinə Manafova və UNİCEF-in nümayəndələri Vüqar Salmanov və Tamerlan Rəcəbov iştirak ediblər.

Dövlət Komitəsinin sədri Bahar Muradova bildirib ki, müharibə dövründə keçirilən görüşlərdə narahatlıqla müharibənin çətinlikləri haqqında danışırdıqsa, bu gün qələbədən doğan qürur hissi ilə böyük quruculuq işlərinin həyata keçirildiyi ərəfədəyik:

“Siz də bütün bu baş verən hadisələrə qarşı biganə qalmadınız, belə hadisələrdən əziyyət çəkən uşaqların hansı bəlalarla üz-üzə gəldiyinin canlı şahidi oldunuz. Beynəlxalq təşkilatın nümayəndələri olaraq vaxtaşırı işğaldan azad olunmuş ərzilərdə olursunuz və hər şeyi öz gözlərinizlə görürsünüz.

Münaqişədən əziyyət çəkən uşaqlarla əlaqədar olaraq BMT Uşaq Fondu, Dövlət Komitəsi və ictimai təşkilatlarla birgə həyata keçirilən tədbirlər, xüsusilə zərər çəkənlərin qiymətləndirilməsi və onlarla aparılan psixo-sosial işi xüsusi vurğulamaq istərdim. Pandemiya və hərbi vəziyyət dövründə yüksək səviyyəli əməkdaşlıq nümayiş etdirdiniz və mən əminəm ki, bundan sonrakı birgə fəaliyyətimiz də bu qaydada davam edəcəkdir”.

Müharibədən sonrakı dönəmdə əsas məqsədin sülh və dayanıqlılığı təmin etmək, müharibədən zərər çəkən insanların, qadın və uşaqların problemlərinin sürətli şəkildə həll edilməsi olduğunu qeyd edən Komitə sədri bildirib ki, bizim borcumuz həmin insanların həyat və rifahını yaxşılaşdırmaqdır. İşğaldan azad edilmiş torpaqlarımızda insanlar üçün yaşayışın təmin edilməsi üçün daha artıq zaman, məsrəf və güc tələb olunur.

BMT-nin Uşaq Fondunun (UNİCEF) Azərbaycandakı nümayəndəsi Edvard Karvardin son 6 ayın Azərbaycan üçün tarixi bir dövr olduğunu qeyd edərək növbəti 5 il ərzində görüləcək fəaliyyətlərlə əlaqədar ölkə üzrə yeni proqramın qəbul edildiyini diqqətə çatdırıb.

E.Karvardin bildirib ki, bu gün vacib məsələlərdən biri də ictimaiyyətin diqqətini erkən uşaqlıq dövründə uşaq inkişafına və pozitiv valideynlik məsələsinə yönəltməkdir. Eyni zamanda regionlarda fəaliyyət göstərən Uşaq və Ailələrə Dəstək Mərkəzlərinin xidmətlərinin daha da inkişaf etdirilməsi, yeni imkanların tətbiq edilməsi də mühüm əhəmiyyət kəsb edir.

O vurğulayıb ki, müharibədən sonrakı mərhələdə zərərçəkmiş uşaqlarla psixososial işin gücləndirilməsi və daha da genişləndirilməsi, eləcə də pandemiyanın yaratdığı fəsadlar səbəbindən cəmiyyətdə artan mənfi halların qarşısının alınmasında dəstəyin göstərilməsi də nəzərdə tutulan məsələlər sırasındadır.

Bir sıra ölkələrdə uşaqlar üçün münasib icmanın formalaşması modelinin mövcud olduğunu qeyd edən E.Karvardin işğaldan azad olunmuş Azərbaycan ərazilərində də uşaq və gənclər üçün uyğun mühitin yaradılması ilə bağlı hazırladığı konseptual sənədi tanış olması və qiymətləndirməsi üçün Bahar Muradovaya təqdim edib. 

20 Apr 2021
Cəmiyyət

Həbs olunan general-leytenant Rövşən Əkbərovdan xəbər var

Bakı Hərbi Məhkəməsində sabiq birlik komandiri, ehtiyatda olan general-leytenant Rövşən Əkbərovun ev dustaqlığına buraxılması barədə verilən vəsatətə baxılıb.

20 Apr 2021
Cəmiyyət

İtkin düşmüş hərbi qulluqçuların axtarış işləri davam etdirilir - RƏSMİ

“İtkin düşmüş 24 nəfər hərbi qulluqçunun olduqları yerlərin müəyyən olunması məqsədilə axtarış qrupları tərəfindən hazırda Tərtər, Füzuli, Cəbrayıl, Xocavənd və Xocalı rayonlarının ərazilərində, həmçinin Şuşa şəhəri ətrafında müvafiq axtarış işləri aparılır”.

20 Apr 2021
Cəmiyyət

Avronest PA-nın 9-cu sessiyası çərçivəsində qurumun onlayn formatda plenar iclası keçirilib - FOTO

Aprelin 20-də Avronest PA-nın 9-cu sessiyası çərçivəsində qurumun onlayn formatda plenar iclası keçirilib.

20 Apr 2021
Cəmiyyət

Yeni sədr iclas keçirdi: Fəaliyyət istiqamətləri müəyyənləşdirildi

Aprelin 19-da Azərbaycan Meliorasiya və Su Təsərrüfatı ASC-nin sədri Zaur Mikayılovun rəhbərliyi və tabeli idarələrin iştirakı ilə videokonfrans keçirilib.

20 Apr 2021
Cəmiyyət

Azərbaycanda peyvənd olunanların sayı açıqlandı - FOTO

Son sutka ərzində Azərbaycanda 14 830 nəfərə vaksin vurulub.