Tacikistan prezidenti Emoməli Rəhmon İtaliya və Vatikana ilk dəfə rəsmi səfərə yola düşüb.
“Report” TASS-a istinadən xəbər verir ki, məlumatı Tacikistan Prezidentinin mətbuat xidməti yayıb.
Məlumata görə, onu bu səfərdə xarici işlər, daxili işlər, sənaye və yeni texnologiyalar, kənd təsərrüfatı, energetika, nəqliyyat, mədəniyyət nazirləri, dövlət başçısının beynəlxalq məsələlər üzrə köməkçisi, o cümlədən, İnvestisiyalar və Dövlət Əmlakının İdarə Edilməsi üzrə Dövlət Komitəsinin, Narkotiklərlə Mübarizə orqanlarının rəhbərləri və digər rəsmi şəxslər müşayiət edir.
Səfərlə bağlı başqa təfərrüatlar açıqlanmayıb.
Qeyd edək ki, Tacikistan və İtaliya arasında diplomatik əlaqələr 1992-ci ildə qurulub. Vaxtaşırı olaraq iki ölkənin xarici işlər nazirləri arasında qarşılıqlı səfərlər həyata keçirilib. 2009-cu ildə Tacikistan və İtaliya arasında texniki, sənaye və iqtisadi sahələrdə əməkdaşlığa dair hökumətlərarası saziş, habelə Xarici İşlər nazirlikləri arasında əməkdaşlıq protokolu imzalanıb. Tacikistan Prezidenti yanında Statistika Agentliyinin məlumatına görə, 2023-cü ildə Tacikistandan İtaliyaya təqribən 15 milyon dollar dəyərində mal ixrac edilib. 2023-cü ildə iki ölkə arasında ümumi ticarət dövriyyəsi 2022-ci illə müqayisədə 12,5 faiz artıb.
Filippin sahillərində 5,9 maqnitudada zəlzələ baş verib.
Azərbaycan Respublikası müdafiə nazirinin müavini - Əlahiddə Ümumqoşun Ordu komandanı general-polkovnik Kərəm Mustafayev İran İslam Respublikasına rəsmi səfər edib.
Pakistanın şimalındakı Gilgit-Baltistan bölgəsinin Diamir rayonunda sərnişin avtobusunun dərəyə düşməsi nəticəsində azı 15 nəfər ölüb, 22 nəfər yaralanıb.
