“Donald Tramp, çoxsaylı bəyanatlarına baxsaq, Rusiya ilə münasibətləri normallaşdırmaq istərdi. Amma hər dəfə bu barədə ağzını açanda və konkret addımlar atanda - məsələn, Vladimir Putinlə görüşəndə, hər şey Rusiyaya qarşı yeni sanksiyalarla başa çatdırdı”.
Bunu Sovet və Rusiyanın əfsanəvi jurnalisti, məşhur “Amerika Mixail Taratuta ilə”, “Rusiya təpələri” proqramlarının müəllifi və aparıcısı Mixail Taratuta Rusiya ilə danışıqlarda Donald Tramp, yoxsa Co Baydenin daha yaxşı fiqur olması ilə bağlı "Realpress.az" sualını cavablandırarkən deyib.
Onun sözlərinə görə, Konqres Trampa heç nə etməyə icazə vermədi.
“Halbuki ABŞ Konstitusiyasına görə, xarici siyasət icraedici hakimiyyətin səlahiyyətindədir. Lakin Konqres bu səlahiyyətləri “Rusiya trekində” mənimsədi. Ona görə də Co Bayden, şübhəsiz ki, hansısa həll yoluna gətirib çıxara biləcək danışıqlar üçün daha əlverişli fiqurdur”, - deyə o, bildirib.
Bununla belə, Qarabağ məsələsində Donald Tramp administrasiyası bitərəf idi - Cənubi Qafqaz məsələlərinə nəzərəçarpacaq müdaxilə olmadı. Co Baydenin rəhbərliyi altında digər tendensiyalar müşahidə olunur.
Ekspert bununla bağlı sualı cavablandırarkən məşğul olmadığı üçün ona Cənubi Qafqaz regionundan danışmağın çətin olduğunu dedi.
“Amma düşünürəm ki, İran, Şimali Koreya və Rusiya istisna olmaqla, Trampı dünyanın əksər regionları maraqlandırmırdı. Tramp hətta ABŞ-ın Avropadakı müttəfiqlərinin də problemləri ilə maraqlanmırdı”, - deyə o, vurğuladı.
Müsahib həmçinin qeyd etdi ki, ABŞ-da çox güclü erməni diasporu var və onun lobbiçiləri Konqresdədir.
“ABŞ-da demək olar ki, bütünlüklə ermənilərin yaşadığı şəhərlər var. Bu səbəbdən, mənə elə gəlir ki, ABŞ üçün Ermənistan daha yaxındır”, - deyə Mixail Taratuta sözlərini yekunlaşdırıb.
“Azərbaycan və Serbiyanın ümumi maraqları ilk növbədə ondan irəli gəlir ki, onlar öz tarixlərinin əhəmiyyətli hissəsini daha böyük dövlət ittifaqı çərçivəsində yaşamış iki müstəqil ölkədir: Azərbaycan SSRİ-nin tərkibində idi, Serbiya isə keçmiş Yuqoslaviya respublikalarından biri olub”.
Tovuzun "Turan” klubunun qurucusu və sabiq prezidenti Vidadi Əhmədovun "Realpress.az"a müsahibəsi
Rusiya prezidenti Vladimir Putinlə fransalı həmkarı Emmanuel Makron arasında son danışıqlardan sonra Fransa lideri Ermənistanda tənqid olunmağa başlayıb. Belə ki, erməni siyasi müşahidəçi Naira Ayrumyan qeyd edib ki, fevralın 4-də Azərbaycan Prezidenti İlham Əliyevin, Avropa İttifaqının sədri kimi Makronun özünün, Avropa Şurasının rəhbəri Şarl Mişel və Ermənistanın baş naziri Nikol Paşinyanın iştirakı ilə videokonfrans vasitəsilə keçirilən görüşdə Fransa rəhbəri ATƏT-in Minsk prosesi çərçivəsində Qarabağ üzrə danışıqların bərpasının zəruriliyindən bir kəlmə də danışmayıb.
Bu yaxınlarda Rusiya və Çin liderləri Vladimir Putin və Si Cinpin həm təhlükəsizlik təminatlarına, həm də xarici qüvvələrin suveren ölkələrin daxili işlərinə müdaxiləsinin yolverilməzliyinə aid birgə bəyanatı imzaladıqdan sonra məlum oldu ki, dünyada anti-Qərb strukturu qurulur.
